સુરત જિલ્લાનાં કીમ નજીક કઠોદરા ગામની સીમમાં આવેલ ખુલ્લી નિકનાં પાણીમાંથી અજાણ્યા ઇસમની લાશ મળી આવતા કીમ પોલીસ મથકે ગુનો નોંધાયો હતો. પ્રાપ્ત માહિતી અનુસાર, કીમ પોલીસની હદમાં કઠોદરા ગામથી કીમામલી ગામ તરફ જવાનાં રોડની બાજુમાં સોયેબ ઇબ્રાહીમ બદાતનાં ખેતરની બાજુમાંથી પસાર થતા કાચા રસ્તાની પાસે આવેલી ખુલ્લી નિકનાં પાણીમાં અજાણ્યા ઇસમની લાશ પડી હોવાની જાણ કીમ પોલીસને કરવામાં આવી હતી. બનાવની જાણ થતા હરકતમાં આવેલી કીમ પોલીસે ઘટના સ્થળે દોડી જઈ અજાણ્યા ઇસમની લાશનો કબ્જો લઇ તેની ઓળખ અંગે કવાયત હાથ ધરી હોવાનું સુત્રો દ્વારા જાણવા મળ્યુ હતુ.