પંજાબના અમૃતસરમાં આવેલ ગોલ્ડન ટેમ્પલ નજીક હેરિટેજ સ્ટ્રીટ પાસે આજે સવારે 6:30 વાગ્યે ફરીથી વિસ્ફોટ થયો, આ પહેલા શનિવારે મોડી રાતે પણ એક વિસ્ફોટ થયો હતો. ઘટના સમયે રોડ પર બહુ ટ્રાફિક નહતો. હાલ ઘણા પોલીસ અધિકારીઓ ઘટનાસ્થળે પહોંચી ગયા છે અને વધુ તપાસ ચાલી રહી છે.

મળતા અહેવાલો અનુસાર, એક વ્યક્તિ ઈજાગ્રસ્ત થયો છે.ફોરેન્સિક ટીમના સભ્યોએ અનેક સેમ્પલ કબજે કર્યા છે. જ્યાં બ્લાસ્ટ થયો હતો, ત્યાં એક કાર પણ ઉભી હતી, જેના કાચ તૂટી ગયા હતા. પોલીસ નજીકમાં લાગેલા સીસીટીવી કેમેરાના ફૂટેજ મેળવી આ અંગે વધારાની તપાસ હાથધરી છે.