સુરત જિલ્લાનાં માંગરોળનાં પીપોદરા ગામનાં હાઈવે પર અજાણ્યા વાહન ચાલકે બાઈકને અડફેટમાં લઈ લેવાનાં પગલે ચાલકનું ઘટના સ્થળે મોત નિપજ્યું હતુ.

મળતી માહિતી મુજબ, માંડવી તાલુકાનાં અરેઠ ગામે કોલોની ફળીયામાં રહેતા ૧૮ વર્ષીય અભય જીવનાથ રાઠોડ પોતાની બાઈક નંબર જીજે/૧૯/ બીએન/૦૦૯૬ લઈને કોસંબા પોલીસની હદમાં પીપોદરા ગામની સીમમાં હાઈવે પરથી પસાર થઈ રહ્યા હતા. તે દરમ્યાન પાછળથી આવી રહેલા અજાણ્યા વાહન ચાલક અડફેટમાં લઈ ફરાર થઈ ગયો હતો. આ ઘટનામાં બાઇક ચાલક અભયને ગંભીર ઈજાઓ પહોંચતાં ઘટના સ્થળે મોત થયું હતું. કોસંબા પોલીસે કસુરવાર અજાણ્યા વાહન ચાલક વિરૂદ્ધ ગુનો નોંધી આગળની કાર્યવાહી હાથ ધરી હતી.