સુરત જીલ્લાના કામરેજ તાલુકાના ઘલુડી ગામે બાઈકને એક ટ્રકે અડફેટે લઇ લેતા ચાલકનું ગંભીર ઈજાને કારણે મોત નીપજ્યું હતું. મળતી માહિતી મુજબ, આશિષભાઈ જગુભાઈ પટેલ બાઈક ઉપર સવાર થઈને મોનાર્ક સ્કૂલની સામે ઘલુડી ચાર રસ્તાથી ઘલુડી તરફ જતા રોડ પરથી પસાર થઇ રહ્યા હતા. તે દરમિયાન અજાણ્યા ટ્રકના ચાલકે આશિષભાઈની બાઇકને અડફેટે લઈ લીધી હતી. અકસ્માત સર્જી ચાલક ટ્રક લઈને ફરાર થઇ ગયો હતો. અકસ્માતની ઘટનામાં બાઇક ચાલક આશિષભાઈને શરીરના વિવિધ ભાગે ગંભીર ઈજાઓ પહોંચતા તેમનું ઘટના સ્થળે જ મોત નીપજ્યું હતું. ઘટના અંગે કામરેજ પોલીસને જાણકારી મળ્યા બાદ ટ્રક ચાલક સામે ગુનો દાખલ થયો હતો.