વલસાડનાં પારડીનાં સુખેશ ગામે રોડ ઉપર ઈકો કારનાં ચાલકે સામેથી આવતી બાઇકને અડફેટે લેતાં અકસ્માત સર્જાયો હતો. જયારે પારડીથી બાઈક ચાલક દિલીપ ધનજીભાઈ (ઉ.વ.૨૭)નો બાઈક પર પોતાના ઘરે કપરાડા તરફ જઈ રહ્યા હતા. તે દરમિયાન રાત્રિના આઠ વાગ્યાના સુમારે ઇકો કારનો ચાલક પારડી તરફ આવતા સુખેશ ગામે રોડ ઉપર બાઈકને અડફેટે લેતા અકસ્માત સર્જાયો હતો. ઘટનાની જાણ આસપાસના લોકોને થતા સ્થળ ઉપર આવી પહોંચી ૧૦૮ એમ્બ્યુલન્સને જાણ કરી હતી. જેમાં દિલીપ અને તેના સાથે બેસેલ યુવકને ઇજા પહોંચતા વલસાડ સિવિલ હોસ્પિટલમાં ખસેડાયા હતા. જ્યારે ઈકો કાર ચાલક સ્થળ ઉપર કાર મૂકી ફરાર થઇ ગયો હતો.