વાપી જીઆઈડીસી અંબામાતાના  સર્કલ પાસે મોર્નિંગ વોક પર નીકળેલો વેપારી હનુમાનસિંગ અમરસિંગ રાજપુરોહિત(ઉ.વ.૩૫) રહે.ગુંજન વિસ્તારમાં આવેલી આદર્શ કો.ઓપરેટીવ હાઉસિંગ સોસાયટીમાં જેમની જોધપુર સ્વીટ્સ નામની મિઠાઈની દુકાન ચાલે છે.

વેપારી સવારે મોર્નિંગ વોક પર નીકળ્યા હતા તે સમયે ડો.ડોલર જોષીના દવાખાને પાસે કાળા બ્લ્યુ કલરની પલ્સર મોટર સાઈકલ પુર ઝડપે આવી હતી જેના પર બે અજાણ્યા ચોર પૈકી પાછળ બેસેલ ઈસમે વેપારીના હાથમાંથી સેમસંગ કંપનીનો ગેલેક્ષિ એસ-૨૦ અલ્ટ્રાકોસ્મિક મોબાઈલ જેની કીંમત રૂપિયા ૭૦ હજાર છે તે મોબાઈલ  આંચકી મોટર-સાઈકલ પુરવેગે ચલાવી નાસી છૂટ્યા હતા. બાઈક ચાવનાર શખ્સ પૈકી આગળ બેસેલ ઈસમે કાળા રંગનો શર્ટ અને પાછળ બેસેલ ઈસમે કાળા રંગનું ટી-શર્ટ પહેર્યું હતું. આ મામલે યુવાને વાપી જીઆઈડીસી પોલીસને ફરિયાદ કરતા પોલીસે ગુનો નોંધી આગળની કાર્યવાહી હાથ ધારી છે.