વાલોડના બુહારી ગામે બારમાની વિધિમાં હાજરી આપવા આવેલ યુવકની બાઈકની કોઈ અજાણ્યા ચોરટાએ ઉઠાંતરી કરી હોવાની ફરિયાદ વાલોડ પોલીસ મથકે નોંધાઈ છે.

મળતી માહિતી મુજબ બારડોલીના ઉંવા ગામના કોળી ફળીયામાં રહેતો અને મજુરી કામ કરી પરિવારનું ગુજરાન ચલાવતો નિલેશભાઇ ભીખુભાઈ હળપતિ ગત તા.૨૩-૦૯-૨૦૨૩ નારોજ આશરે ૧૧ વાગ્યેના અરસામાં વાલોડના બુહારી ગામે આવેલ બોરડી ફળીયામાં રહેતા બનેવી સંજયભાઈ હળપતિ નાઓના ઘરે કુટુંબી માસીના બારમાની વિધિમાં હાજરી આપવા માટે આવ્યા હતા તે દરમિયાન કોઈ અજાણ્યા ચોર ઇસમે હીરો કંપનીની મોટર સાયકલ નંબર જીજે/૧૯/એજી/૩૪૮૮ની ઉઠાંતરી કરી ચોરી કરી લઇ જતા નિલેશભાઇ હળપતિએ વાલોડ પોલીસમાં ફરિયાદ નોંધાવી છે.જેની ફરિયાદના આધારે પોલીસ દ્વારા અજાણ્યા ચોર ઇસમ સામે ગુનો નોંધી વધુ તપાસ હાથ ધરી છે.