સુરત જિલ્લાનાં પાલોદ ગામની સીમમાંથી પસાર થઈ રહેલા બાઈક ચાલકને અજાણ્યા વાહન ચાલકે અડફેટેમાં લેતા તેને ગંભીર ઇજા થતાં ઘટના સ્થળે કરુણ મોત થયું હતું. પોલીસ સૂત્રો પાસેથી પ્રાપ્ત માહિતી અનુસાર. બાઈક નંબર MP/45/MM/5908નો ચાલક પાલોદ ગામની સીમમાં આવેલા નેશનલ હાઈવે નંબર-48 પરથી પસાર થઈ રહ્યો હતો. તે સમયે અજાણ્યો વાહન ચાલક અડફેટે લઈ ફરાર થઈ ગયો હતો. આ અકસ્માતમાં બાઈક ચાલકને ગંભીર ઇજાઓ થતાં તેનું ઘટના સ્થળે જ મોત થયું હતું. ઘટના અંગે કોસંબા પોલીસે કસૂરવાર અજાણ્યા વાહન ચાલક વિરુદ્ધ ગુનો નોંધી તેની શોધખોળ હાથ ધરી હતી.