મનિષા એસ. સુર્યવંશી/તાપી : મૂળ મહારાષ્ટ્રનાં નંદુરબાર જિલ્લાના ઉમર્દેબુધર્ક ખાતે રહેતા હાકમસિંગભાઈ રાયસિંગભાઈ જાદવના મોટા ભાઈનો પુત્ર પવનભાઈ ભાઈદાસભાઈ જાદવની બાઈક નંબર MH/39/P/2261ને નિઝરના ભીલજાબોલી ગામે ગત તારીખ 14/09/2023નાં રોજ એક હાઈવા ટ્રક નંબર GJ/16/AV/8973નાં અજાણ્યા ચાલકે પોતાની કબ્જાની ટ્રક પુરઝડપે અને ગફલતભરી રીતે હંકારી લાવી પવનભાઈની બાઈકને સામેથી ટક્કર મારી અકસ્માત સર્જાયો હતો, જયારે આ અકસ્માતમાં ટ્રક ચાલકની ટ્રક રોડની જમણી સાઈડે પલ્ટી મારી ગઈ હતી અને ટ્રક ચાલક ફરાર થઈ ગયો હતો અને પવનભાઈને અકસ્માતમાં શરીરે નાની-મોટી ઈજાઓ પહોંચતા પવનભાઈને સારવાર અર્થે ખસેડવામાં આવ્યા હતા. બનાવ અંગે  હાકમસિંગભાઈ જાદવ નાએ અજાણ્યા ટ્રક ચાલક વિરુદ્ધ નિઝર પોલીસ મથકે ફરિયાદ નોંધવામાં આવતાં પોલીસે આગળની વધુ કાર્યવાહી હાથ ધરવામાં આવી હતી.