મનિષા એસ. સુર્યવંશી/તાપી : વ્યારાનાં પેરવડ ગામમાંથી પસાર થતાં ઝાંખરીથી ડોલારા તરફ આવતા જાહેર રોડ ઉપર પીકઅપ ટેમ્પો ચાલકે પુરઝડપે અને ગફલતભરી રીતે હંકારી લાવી બાઈક ચાલકને અથડાવી દેતાં ચાલકનું ગંભીર ઈજાને કારણે સ્થળ ઉપર મોત નિપજ્યું હતું.

મળતી માહિતી મુજબ, વ્યારા તાલુકાનાં લખાલી ગામનાં ભીલ ફળિયામાં રહેતા અનિલભાઈ રૂવાભાઈ ભીલ (ઉ.વ.૩૯)નાંઓ ગત તારીખ ૦૪/૧૦/૨૦૨૪નાં રોજ પોતાના કબ્જાની બાઈક નંબર જીજે/૨૬/ડી/૦૩૨૧નાં ચાલક પેરવડ ગામમાંથી પસાર થતાં ઝાંખરીથી ડોલારા તરફ આવતા જાહેર રોડ ઉપરથી પસાર થતાં હતા તે દરમિયાન એક મહિન્દ્રા કંપનીની મેક્ષ પીકઅપ નંબર જીજે/૦૬/વીવી/૯૧૧૦ને પુરઝડપે અને ગફલતભરી રીતે હંકારી લાવી અનિલભાઈની બાઈકને અથડાવી દેતાં અકસ્માત સર્જાયો હતો. જોકે આ અકસ્માતમાં બાઈક ચાલક અનિલભાઈ વસાવાનાં શરીરે અને માથાનાં ભાગે ગંભીર ઈજા પહોંચતા તેમનું સ્થળ ઉપર જ મોત નિપજ્યું હતું. બનાવ અંગે રૂવાજીભાઈ ઉકડીભાઈ ભીલ નાંએ અજાણ્યા પીકઅપ ટેમ્પો ચાલક સામે વ્યારા પોલીસ મથકે ગુનો નોંધાવતા પોલીસે ગુનો નોંધી કાયદેસરની કાર્યવાહી હાથ ધરવામાં આવી હતી.