નિઝર-પ્રકાશા રોડ ઉપર અજાણ્યા વાહન અડફેટે ૨૮ વર્ષીય બાઈક ચાલકનું ગંભીર ઈજાઓના કારણે મોત નિપજ્યું હોવાનો બનાવ પોલીસ મથકે નોંધાયો છે.

મળતી માહિતી મુજબ નિઝર તાલુકાના મુબારકપુર ગામના સાંઈબાબા મંદિર પાસે રહેતો અને મજુરી કામ કરતા કલ્પેશભાઈ મંગલસિંગભાઈ ઠાકરે તા.૨૬મી ડીસેમ્બર ના રોજ સીડી ડોન બાઈક નંબર જીજે/૧૯/જે/૮૧૩૧ ની લઈને પીપળોદ ગામની સીમ માંથી પસાર થતા નિઝર-પ્રકાશા રોડ ઉપરથી પસાર થઇ રહ્યા હતા તે દરમિયાન કોઇ અજાણ્યા વાહન ચાલકે પોતાના કબ્જાનુ વાહન પુરઝડપે અને ગફલતભરી રીતે હંકારી લાવી બાઈકને ટક્કર મારતા બાઈક ચાલક કલ્પેશભાઈના માથાના જમણા કપાળના ઉપરના ભાગે તેમજ પેટ ના ભાગે ગંભીર ઇજા પહોચતા મોત નિપજ્યું હતું. બનાવ અંગે દિલીપભાઇ મંગલસિંગભાઇ ઠાકરેની ફરિયાદના આધારે નિઝર પોલીસએ અજાણ્યા વાહન ચાલક વિરુદ્ધ ગુનો નોંધી વધુ તપાસ હત્ય્હ ધરી હતી.