વાંસદા તાલુકાના ભીનાર ગામે કોઈક અજાણ્યા વાહને બાઈકને ટક્કર મારતા બાઈક ચાલકનું ગંભીર ઈજાને કારણે ઘટના સ્થળે જ મોત નીપજયું હતું.

મળતી માહિતી અનુસાર વાંસદા તાલુકાના સીણધઈ ગામે લીલવણ ફળિયામાં રહેતા શૈલેશ ભાઈ ચીમનભાઈ પટેલ(ઉ.વ.34) જેમની સ્પલેન્ડર બાઈક નંબર જીજે/21/એઇ/6080 લઈ વાંસદા-ઉનાઈ રસ્તા પાસે આવેલા ભીનારના દેસાઈ ફળિયામાંથી પસાર થઈ રહ્યા હતા.

તે દરમિયાન કોઈ અજાણ્યા વાહન ચાલકે ટક્કર મારતા શૈલેષભાઇ પોતાની બાઈક પરથી રોડ પર પટકાતા ગંભીર  ઈજાને કારણે તેમનુ ઘટના સ્થળે જ મોત નીપજયું હતું. આ બનાવ અંગે મૃતકના પિતરાઈ ભાઈ પ્રણવભાઈ પટેલે અજાણ્યા વાહન ચાલક વિરુદ્ધ ફરિયાદ આપી હતી.