ભરૂચનાં ઝઘડિયા તાલુકાનાં તરસાલી ગામે રસ્તો ઓળંગી રહેલી ચાર વર્ષીય બાળકીને અડફેટમાં લઇ ટ્રક ચાલક ફરાર થઇ ગયો હતો. ટ્રકના તોતિંગ પૈંડા ફરી વળતાં માસુમ બાળકીનું સ્થળ પર જ મોત નીપજયું હતું. મળતી માહિતી મુજબ, ઝઘડિયાનાં તરસાલી ગામે બેફામ દોડતી ટ્રકે માસુમ બાળકીને ટકકર મારી મોત નીપજાવ્યું હતું. ગામમાં રહેતી 4 વર્ષીય ખુશનુમા જીયાઉદ્દિન શેખ ગત તા.30મીના રોજ સાંજના સાડા પાંચ વાગ્યાના અરસામાં રસ્તો ઓળંગતી હતી.

ત્યારે પ્રાંકડ તરફથી આવતી એક ટ્રકે આ બાળકીને ટક્કર મારી હતી. જેમાં બાળકી પર ટ્રકના પૈંડા ફરી વળતાં તેનું મોત નીપજયું હતું. જયારે અકસ્માત ટ્રકનો ડ્રાઇવર મહંમદ ઇંદોરીયો ફરાર થઇ ગયો હતો. બનાવ અંગે રાજપારડી પોલીસે ફરાર થઇ ગયેલાં ટ્રકના ડ્રાઇવર સામે ગુનો નોંધી કાયદેસરની કાર્યવાહી હાથ ધરવામાં આવી છે.