ભરૂચ પેરોલ ફર્લો સ્કોડની ટીમે બે અલગ-અલગ સ્થળોએથી પ્રોહિબિશન એક્ટના ગુનામાં સંડોવાયેલા બે બુટલેગરોને ઝડપી પાડ્યા હતા. ભરૂચ પેરોલ ફર્લો સ્કોડ પોલીસ મથકનો સ્ટાફ ઝઘડિયા તાલુકામાં પેટ્રોલિંગમાં હતો. તે દરમિયાન બાતમી મળી હતી કે, ભરૂચ શહેર સી ડિવિઝન પોલીસ મથક અને તિલકવાડા પોલીસ મથકના પ્રોહિબિશન એક્ટના ગુનામાં સંડોવાયેલા બે બુટલેગર ઝઘડિયા તાલુકાના મોરતલાવ ગામમાં ફરી રહ્યો છે.

જે બાતમીનાં આધારે પોલીસે વોચ ગોઠવી હતી અને મૂળ ડભોઇના કાયાવરોણ અને હાલ મોર તલાવ ગામના દેવળ ફળિયામાં રહેતો બુટલેગર રમેશ ઉર્ફે બકો ભાણાભાઈ રાઠોડને ઝડપી પાડ્યો હતો અને તેને સી ડિવિઝન પોલીસ મથકને હવાલે કરી વધુ તપાસ હાથ ધરી છે. જયારે આવી જ રીતે અંકલેશ્વરના નવા દિવા ગામમાં સામજી ફળિયાનો નાસ્તો ફરતો કુખ્યાત બુટલેગર કિશન મનાભાઈ વસાવાને ઝડપી પાડ્યો હતો અને તેને શહેર પોલીસને હવાલે કરી વધુ તપાસ હાથ ધરી હતી.

​