નેત્રંગ તાલુકાનાં નાના જાબુંડા ગામે રહેતા રામસીંગભાઈ હીરાભાઈ વસાવા જે મોતિયાના જંગલમાં નાના જાંબુડાની સીમમાં આવેલ તેના સાડા ચાર એકર જમીનમાં ડાંગર અને તુવેર ચોમાસુ પાક કરી રહ્યા છે અને બપોરે મોતિયાના જંગલ નજીક મણિપુર વગામાં તુવેર તોડવા માટે રામસિંગભાઈ અને તેમના પત્ની સુમિત્રાબેન સાથે ગયા હતા. તે સમયે તુવેર તોડતી વખતે ખેતરના સેઢા ઉપર કોતરમાં પાણી કાઢવાની ગટરમાંથી દીપડાએ આકસ્મિક રામસિંગભાઈ ઉપર હુમલો કરી દીધો હતો. દીપડોએ ગટરમાંથી સીધો સામેથી જ આવી પંજાના નખ મારી ઇજાગ્રસ્ત કરી નાખેલ હતા.આમ, દીપડાએ હુમલો કરતા તેમને બુમા બુમ કરતા દીપડો મોતિયાના જંગલમાં નાસી છૂટયો હતો. ત્યારબાદ ચાલીને લોહીથી લથબથ ઘરે પહોંચી દીકરાને કહેતા તાત્કાલિક નેત્રંગ સામુહિક આરોગ્ય કેન્દ્ર ખાતે સારવાર માટે લાવી વધુ સારવાર માટે રાજપીપળા સિવિલમાં રિફર કર્યા હતા. ગ્રામજનોએ દિપડો પકડવા પાંજરું મૂકવા માંગણી કરી છે આ બાબતે નેત્રંગ પોલીસે જાણવા જોગ ફરિયાદ લઇ તપાસ હાથ ધરી હતી.