વડોદરાની આજવા ચોકડી પાસે આવેલી ગ્રીન ગાર્ડન સોસાયટીમાં રહેતા ચીન્ના એસ. સુકાપા નાયકના મિત્ર પ્રવિણરાજ વેલસ્વામી ગૌડાને આમોદ ખાતે કોઇ કામ હોવાથી બાઇક લઇને આમોદ જવા માટે નિકળ્યો હતો. તે દરમિયાન જંબુસર તાલુકાના અણખી ગામ પાસેથી પસાર થતી વેળાં એક ટ્રકને ઓવરટેક કરવા જતાં તેની બાઇક ટ્રકમાં ભટકાતાં અકસ્માત સર્જાતા તેનું ઘટના સ્થળે જ કમકમાટીભર્યું મોત નીપજ્યું હતું. બનાવ અંગે ચિન્ના નાયકને જાણ થતાં તેણે સ્થળ પર દોડી આવી પોલીસને જાણ કરતાં પોલીસે ગુનો નોંધી મૃતકના દેહને જંબુસર રેફરલ હોસ્પિટલમાં ખસેડી આગળની કાર્યવાહી હાથ ધરી હતી.