નેત્રંગ ગામના ધરતીનગરમાં રહેતા અને નેત્રંગ ભાજપના યુવા આગેવાન પ્રતિક ઉર્ફે ચકો ગુરજીભાઈ વસાવા પોતાના જીજાજીની બાઇક લઈ શણકોઈ ગામ નજીક આવેલી ગજાનંદ હોટલ ખાતે જમવાનું લેવા ગયો હતો. ત્યારબાદ તે પરત પોતાના ઘરે આવે રહ્યો હતો. તે દરમિયાન રમણપૂરા ગામના બસ સ્ટેન્ડ નજીક રોડ ઉપર પાર્કિંગ લાઇટ અને સાઈડ સિગ્નલ ચાલુ કર્યા વિના ઉભેલા ટ્રેકટર સાથે બાઈક ભટકાતા અકસ્માત સર્જાયો હતો. આ અકસ્માતમાં પ્રતિક વસાવાને ગંભીર ઇજાઓ થતા તેને તાત્કાલિક સારવાર માટે નેત્રંગ સામૂહિક આરોગ્ય કેન્દ્ર ખાતે ખસેડવામાં આવ્યો હતો જ્યાં તેનું મોત નીપજયું હતું. અકસ્માત અંગે નેત્રંગ પોલીસે ગુનો નોંધી તપાસ હાથ ધરી હતી.