ભરૂચના દહેગામ ચોકડી પાસેની અલનુર બંગ્લોઝ ખાતે રહેતાં નાદીલ ઇકબાલ જોડ કંપનીઓમાં કન્સ્ટ્રક્શનનો કોન્ટ્રાક્ટ ચલાવે છે. વાગરા તાલુકામાં આવેલાં સાયખા જીઆઇડીસીની ટેક્ષ ટાઇલ કેમિકલ કંપનીમાં તેનો કોન્ટ્રાક્ટ ચાલી રહ્યો હતો, તેમાં તેના 29 મજૂરો કામ કરતાં હતાં. જે પૈકીનો એક શ્રમજીવી પપ્પુ શીવજી શાહ સામાન ખરીદવા સાયખા-કોઠીયા રોડ પરની એક દુકાને ગયો હતો. જ્યાંથી તે પરત આવી રહ્યો હતો. તે સમયે કોઇ અજાણ્યા વાહને તેને ટક્કર મારતાં તેના માથાનો ભાગ છુંદાઇ જતાં તેનું ગંભીર ઇજાઓને કારણે સ્થળ પર જ કમકમાટીભર્યું મોત નીપજ્યું હતું. બનાવ અંગે વાગરા પોલીસે ગુનો નોંધી કાયદેસરની કાર્યવાહી હાથ ધરી હતી.