ભરૂચના વેજલપુર બહુચરાજી ઓવારા પાસે એક મકાનમાં આગ લાગતા અફરા તફરીનો માહોલ જોવા મળ્યો હતો. વેજલપુર બહુચરાજી ઓવારા પાસે એક મકાનમાં આજરોજ સવારના અરસામાં અચાનક ગેસ સીલીન્ડર લીકેજ થતા આગ લાગી હતી. જોકે, મકાનમાં રહેતા લોકો સમય સુચકતા વાપરી ઘરની બહાર નીકળી ગયા હતા. બનાવની જાણ થતા ફાયરબ્રિગેડનો કાફલો ઘટના સ્થળે પહોચી ગયા હતા અને આગ ઉપર કાબુ મેળવી લીધી હતી. સદનસીબે આ આગની ઘટનામાં કોઈ પણ પ્રકારની જાનહાની થઈ ન હતી.