ભરૂચનાં વાગરા તાલુકાનાં જોલવા ગામ નજીકથી એલસીબી પોલીસે ટ્રક માંથી વિદેશી દારૂ સાથે 2 ઇસમોને ઝડપી પાડી કાર્યવાહી હાથ ધરી હતી.

સુત્રો પાસેથી મળતી માહિતી અનુસાર, ભરૂચ એલસીબી પોલીસ સ્ટાફના માણસોએ અલગ-અલગ ટીમ બનાવી અલગ-અલગ વિસ્તારમાં પેટ્રોલીંગમાં હતા. તે દરમિયાન મળેલ બાતમીના આધારે, જોલવા ગામના ગેટની સામેથી પસાર થતા દહેજ ભરૂચ હાઈવે પરથી એક ટ્રકના ચોરખાના માંથી વિદેશી દારૂની બોટલ 6518 નંગ બોટલો મળી આવી હતી જેની કીંમત રૂપિયા 7,51,640/- હતી અને પોલીસે મોબઈલ, રોકડ રકમ 13 હજાર તથા ટ્રક મળી કુલ રૂપિયા 17,80,640/- રૂપિયાનો મુદ્દામાલ કબ્જે કરી ભેરૂલાલ રામચંદ્ર જાટ અને કિશન કાબુલાલ જાટ (બંને રહે.ચિત્તોડગડ, રાજસ્થાન)ના ઓને ઝડપી પાડી કાયદેસરની કાર્યવાહી હાથ ધરી હતી.