ISROનું ચંદ્રયાન સફળ થયા બાદ હવે સૂર્ય પર જવા માટેનું નવું મિશન Aditya-L1 સંપૂર્ણ રીતે તૈયાર છે. Aditya-L1 મિશન આવતીકાલે સવારે 11:50 વાગ્યે લોન્ચ કરવામાં આવશે. સૂર્યનો અભ્યાસ કરવાના હેતુથી Aditya-L1 મિશનના નિર્ણાયક પ્રક્ષેપણ પહેલા ISROના વૈજ્ઞાનિકો આજે તિરુમાલા મંદિરમાં પ્રાર્થના કરવા માટે ગયા હતા. ISROના વૈજ્ઞાનિકોએ સવારે તિરુમાલા હિલ્સ પર સ્થિત શ્રી વેંકટેશ્વર મંદિરની મુલાકાત લીધી હતી. તેમણે આ મિશનની સફળતા માટે પ્રાર્થના કરી હતી. જે આંધ્રપ્રદેશના શ્રીહરિકોટા સ્પેસ સેન્ટરથી આવતીકાલે લોન્ચ થશે. Aditya-L1 અવકાશયાન પૃથ્વીથી લગભગ 15 લાખ કિલોમીટર દૂર આવેલા L1 (લેગ્રેન્જિયન પોઈન્ટ) પર સૌર કોરોનાના દૂરસ્થ અવલોકનો અને સૌર પવનના સીટુ અવલોક કરશે. ISROના વૈજ્ઞાનિકો માટે કોઈ મોટા મિશન પહેલા પ્રખ્યાત પહાડી મંદિરમાં પ્રાર્થના કરવા જવીએ સામાન્ય પ્રથા છે. જુલાઈમાં તેમણે ચંદ્રયાન-3ના પ્રક્ષેપણ પહેલા પણ મંદિરમાં પ્રાર્થના કરી હતી.