બારડોલી તાલુકાના માણેકપોર ગામ નજીક નેશનલ હાઈવે નંબર-૫૩ ઉપરના માણેકપોર ગામની સીમમાં આવેલા એસ્સાર પેટ્રોલ પંપ નજીકથી પસાર થતા એક છોટા હાથી ટેમ્પો(નં.જીજે/05/બીયુ/5290)પર શંકા જતા તેને રોકી તપાસ હાથ ધરતા પોલીસને ટેમ્પોમાંથી 30 નંગ પૂઠાનાં બોક્ષમાંથી કુલ 1200 નંગ દારૂ તથા ટીન બિયર બોટલોનો જથ્થો મળી આવ્યો હતો.

પોલીસએ ટેમ્પો ચાલક ધનરાજ સીતારામ બોરસે રહે.જોળવા,પલસાણા (મૂળ.જલગાંવ)ની ધરપકડ કરી પૂછપરછ કરતા તેને સુરતના પુણા પાટિયાના મહારાણા ચોક વિસ્તારમાં રહેતા રાકેશ પાટીલ નામના ઈસમે નવાપુરના વાંકી ગામથી ટેમ્પો આપી ટેમ્પો કડોદરા લઈ આવવા જણાવ્યું હતું. પોલીસે દારૂનો જથ્થો, ટેમ્પો, રોકડા, તથા મોબાઈલ એમ કુલ મળી 2.49 લાખનો મુદામાલ કબ્જે લીધો હતો જ્યારે દારૂનો જથ્થો ભરાવનાર રાકેશ પાટીલને વોન્ડેટ જાહેર કરી ગુનો નોંધી વધુ તપાસ મહુવા પોલીસ મથકને સોપવામાં આવી છે.