બારડોલી ધામદોડ રોડ પર વેનેશિયલ વિલામાં રહેતા ડો.વંદિતા ચૌધરી અને તેમના પતિ ચિરાગભાઈ ચૌધરી સાત માસનાં પુત્ર સાથે રવિવારે બારડોલીથી સ્કોડા ગાડીમાં વલસાડ મિત્રને મળવા જઈ રહ્યા હતા. તે સમયે ચીખલી તાલુકાનાં આલીપોર નેશનલ હાઈવે પર એક ટેમ્પોએ ડિવાઈડર કુદાવી સામેના ટ્રેક પર જતી બારડોલીની કારને અડફેટે લેતાં ઘટના સ્થળે જ ડો.વંદિતા ચૌધરીનું કરૂણ મોત નિપજ્યું હતું. તેમના પતિ અને પુત્રને ઈજા થતાં તેમને આલીપોર હોસ્પિટલમાં દાખલ કરાયા હતા.

મળતી માહિતી મુજબ, બારડોલીનાં ધામદોડ રોડ પર આવેલ વેનેશિયલ વિલા બંગલા નં.૧૨૬માં રહેતા ચિરાગભાઈ ચૌધરી, પત્ની ડો.વંદિતા ચૌધરી અને તેમનો સાત માસનો દિકરો વિરાન સાથે રવિવારે બપોરે તેઓની સ્કોડા કુશાસ ગાડી નંબર જીજે/૧૯/બીઈ/૯૫૪૩માં બેસી વલસાડ મિત્રના ઘરે મળવા નીકળ્યા હતા. ત્યારે ચીખલી પાસેના આલીપોર નેશનલ હાઈવે પરથી પસાર થઈ રહ્યા હતા. તે દરમિયાન એક આઈસર ટેમ્પો સામેની હાઈવે પર ડીવાઈડર તોડી સામેની લાઈનમાં ઘસી આવી લીના ડોક્ટરની કારને અડફેટે લીધી હતી. આ અકસ્માતમાં વંદિતાબેન ચૌધરીનું કરૂણ મોત નીપજ્યુ હતું. અકસ્માતમાં ચિરાગ ચૌધરી અને તેમના દિકરાનો બચાવ થયો હત. આ બંનેને પણ ઈજા પહોચતા આલીપોર હોસ્પીટલમાં સારવાર માટે લઈ જવાયા હતા.