બારડોલી નગરમાં રોજબરોજ ચોરીની ઘટનાઓ બની રહી છે અને તેવી જ ઘટના ગત તા.11 મેં સપ્ટેમ્બરના રોજ બની હતી જેમાં ફરી એક વખત જનતા નગરમાંથી સ્વીફ્ટ કારની ચોરી થઈ ગઈ હતી. કાર લઈને આવેલા તસ્કરો ખૂબ જ ચિવટ પૂર્વક સ્વીફ્ટ કાર ઉઠાવી ગયા હતા જ્યારે આ ચોરીની સમગ્ર ઘટના સીસીટીવી કેમેરામાં કેદ થઈ હતી.

સુત્રો પાસેથી મળતી માહિતી અનુસાર, જનતા નગરમાં રહેતા  ચિરાગ ભરતભાઇ પરીખે પોતાના ઘરની બહાર સ્વીફ્ટ કાર નંબર જીજે/19/એએફ/1512 પાર્ક કરી હતી. અને જે કાર સવારે ઉઠીને જોતા ત્યાંથી ગાયબ હતી. ચિરાગે સોસાયટીના કેમેરા ચેક કરતા મળસ્કે 4 વાગ્યે એક કારમાં આવેલા કેટલાક શખ્સો કાર ચોરી કરી ગયા હોવાનું નજરે પડે છે. ઘટના અંગે ચિરાગભાઈએ પોલીસને ફરિયાદ આપતા પોલીસે ગુનો નોંધી આગળની વધુ તપાસ હાથ ધરી હતી.