બારડોલી તાલુકાના મઢી ગ્રામ પંચાયતની ચૂંટણી માટે જિલ્લા કલેકટર દ્વારા સંબંધિત વોર્ડની બેઠકોની વારાફરતી ફાળવણી અંગેના જાહેરનામા અન્વયે ગામના કેટલાક નાગરિકો દ્વારા વાંધો રજૂ કરવામાં આવ્યો છે. જેથી બારડોલી એસડીએમ ને કરેલી રજૂઆતમાં જણાવવામાં આવ્યું છે કે, મઢી ગ્રામ પંચાયતમાં કુલ 12 વોર્ડ ફાળવવામાં આવ્યા છે. આ તમામ વોર્ડમાં એસ.સી., એસ.ટી, ઓ.બી.સી. અને જનરલ કેટેગરીની વિસંગતતા દૂર કરી વોર્ડ મુજબ જુદી-જુદી જાતિના મતદારોની સમીક્ષા કરી તે મુજબ વોર્ડવાર પ્રતિનિધિત્વ ફાળવી સર્વે સમાજના ઉમેદવારોને ચૂંટણીમાં ઉમેદવારી કરવાની સમાન તક મળે અને એ રીતે સમાજમાં સમરસતા જળવાઈ રહે તેવી માંગ કરવામાં આવી છે.