બારડોલી નગરનાં ગાંધી રોડ પર દેસાઈ-વીલાની પાછળ આવેલી રેસીડેન્સીના બેઝમેન્ટમાં બુટ-ચંપલનું ગોડાઉન આવેલું છે. જેમાં રાત્રી દરમિયાન અચાનક આગ લાગતા ફ્લેટમાં રહેતા રહીશોમાં દોડ-ધામ મચી ગઈ હતી.

આ ઘટના અંગે બારડોલી ફાયર-બ્રિગેડને જાણ કરાતા સ્થળ પર આવી આગ બુઝાવાની કામગીરી હાથ ધરી હતી. પરંતુ ગોડાઉનમાં મોટો જથ્થો હોવાથી આગ કાબુમાં આવી ન હતી. જેના કારણે વ્યારા, માંડવી, કામરેજ સહિતની ફાયર-બ્રિગેડની ટીમને પણ બોલવામાં આવી હતી. જયારે બીજી તરફ ફ્લેટમાં રહેતા રહીશોને સલામતીના પગલે ધ્યાનમાં રાખી ઉતારી લેવામાં આવ્યા હતા. બેઝમેન્ટનાં  ભોયરામાં ગોડાઉનમાં એકમાત્ર માર્ગ હોવાથી આગ કાબુમાં લાવવામાં મુશ્કેલી થવા છતા આગ પર કાબુ મેળવી હતી.