બારડોલીના તેન ગામે સુરજ નગર સોસાયટીમાં રહેતો અને વ્યારા કોર્ટમાં બેલીફ તરીકે નોકરી કરતા 49 વર્ષીય નટવરભાઈ ઈશ્વરભાઈ ચૌધરી સોમવારે માંડવી મુકામે પોતાના માસીને મળીને બારડોલી પરત આવી રહ્યા હતા.

તે સમય દરમિયાન તેમની મોટર સાઈકલ નંબર જીજે/10/એસી/4446ને સામેથી પુરઝડપે આવેલા ડમ્પર ચાલકે મોટરસાઈકલને અડફેટમાં લેતા ગંભીર ઈજા પહોંચતા તેમનું ઘટના સ્થળે મોત નીપજ્યું હતું. આ અકસ્માત અંગે બારડોલી પોલીસે ગુનો નોંધી વધુ તપાસ હાથ ધરી હતી.