બારડોલી તાલુકાનાં ઝરીમોરા ગામે આવેલ શેરડીના ખેતરમાં મજૂરો શેરડીની કાપણી કરી રહ્યા હતા. તે સમયે તેમને ખેતર માંથી બે માસનું દીપડાનું બચ્ચું મળી આવ્યું હતું. જેથી મજૂરોએ ખેડૂતને જાણ કરતાં તેમણે માંડવી વનવિભાગના રાઉન્ડ ફોરેસ્ટર ઉપેન્દ્રસિંહ રાઉલજીને જાણ કરી હતી.

જેથી વનવિભાગની ટીમ સ્થળ ઉપર પહોંચી દીપડાના બચ્ચાનો કબ્જો મેળવ્યો હતો અને સાંજના સમયે માતાથી વિખૂટા પડેલ બચ્ચાનો ભેટો કરાવવા માટે વનવિભાગની ટીમે ઝરીમોરા ગામે શેરડીના ખેતરમાં બચ્ચાને મૂકી સીસીટીવી કેમરા અને ત્રેપ કેમેરા ગોઠવવામાં આવ્યા હતા. ત્યારે રાત્રિના સમયે દીપડી આ બચ્ચાને લઈ ગઈ હતી. જેથી વનવિભાગની ટીમને બચ્ચાને માતા સાથે મિલન કરાવવામાં સફળતા મળી હતી.