બારડોલી તાલુકાનાં ઉવા ગામ નજીક નેશનલ હાઇવે નંબર-53 પર એક ટ્રકમાં અચાનક આગ લાગતાં અફરાતફરી મચી ગઈ હતી.

સુરતથી મહારાષ્ટ્ર તરફ જઇ રહેલી એક ટ્રકમાં બપોરના સમયે ઉવા પાટિયા પાસે આગ ફાટી નીકળી હતી. આ ઘટનાની જાણ થતાં જ બારડોલી ફાયર-બ્રિગેડની ટીમ સ્થળ પર પહોંચી હતી અને આગ બૂઝવવાની કામગીરી હાથ ધરી હતી. ઘટનાને પગલે હાઈવે પર થોડીવાર માટે ટ્રાફિક જામ થઈ ગયો હતો. ફાયરની ટીમ દ્વારા આગ પર કાબૂ મેળવી લેવાયો હતો. આગની ઘટનામાં કોઈ જાનહાનિ થઈ ન હોવાનું ફાયર ઓફિસર પી.બી.ગઢવીએ જણાવ્યુ હતું.