પલસાણા તાલુકાના દસ્તાન ગામમાં હિન્દૂ ફળિયામાં રહેતી રીટાબેન સુકાભાઈ રાઠોડનું  મકાન આવેલ છે. રીટાબેન અને સુકાભાઈ ખેતરમાં છૂટક મજૂરી કરી પોતાનું તથા પરિવારનું ગુજરાન ચલાવે છે.

રીટાબેનનું મકાન છેલ્લા કેટલાક સમયથી જર્જરિત હતું તેથી આવસ પગલે પંચાયતમાં રજુઆત બાદ નવું આવસ મંજુર કરવામાં આવ્યું હતું. જોકે, કોરોના મહામારીને કારણે હાલ આવસનું કામ સ્થગિત હતું. પરંતુ બે દિવસ પહેલા બપોરના સમયે રીટાબેન અને પરિવારના બાળકો ઘરમાં હાજર હતા ત્યારે વાવાઝોડામાં જર્જરિત થયેલ મકાન ધરાશય થઈ પડ્યું હતું અને આવસમાં હાજર પરિવાર એકએક બુમાબુમ કરતા આસપાસના લોકોએ દોડી આવી પરિવારના તમામ લોકોને ઘરની બહાર કાઢયા હતા. આ ઘટનામાં સદનસીબે પરિવારના સભ્યોને કોઈપણ ગંભીર ઈજા થઈ ન થતા તમામએ રાહતનો શ્વાસ લીધો.