વલસાડ જિલ્લાનાં ઉમરગામ તાલુકાનાં મલાવ ગામે સામરપાડા ફળિયામાં પત્નીની ક્રૂરતાપૂર્વક હત્યા કરનારા પતિની પાંચમી વખત જામીન અરજી નામંજૂર કરવામાં આવ છે. ઉમરગામના મલાવમાં ક્રૂરતાપૂર્વક પત્નીની હત્યા કરવાના ગુનામાં સંડોવાયેલા આરોપી પતિ દીપક રમેશભાઈ ધોડીની ઉમરગામ પોલીસ દ્વારા ગુનામાં ધરપકડ કરી ચાર્જશીટ ફાઈલ કર્યા બાદ આરોપીએ જામીન મુક્ત થવા પાંચમી વખત રેગ્યુલર જામીન અરજી કરી હતી. જે સંદર્ભે ડી.જી.પી. અનિલ ત્રિપાઠીએ રજૂ કરેલી દલીલોને ગ્રાહ્ય રાખીને વાપીના એડિશનલ સેશન્સ જજ ટી. વી. આહુજાએ આરોપીની જામીન અરજી નામંજૂર કરી હતી.