જમ્મુ કાશ્મીર ડિઝાસ્ટર મેનેજમેન્ટ ઓથોરિટીએ કુપવાડામાં હિમપ્રપાતની ચેતવણી જાહેર કરી છે. જમ્મુ કાશ્મીર ડીએમએ તરફથી આગામી 24 કલાકમાં લોકોને ટ્રાવેલિંગ કરવાથી બચવાની સલાહ આપવામાં આવી છે. જમ્મુ કાશ્મીર ડી.એમ.એ. તરફથી જારી ચેતવણીમાં કહેવામાં આવ્યુ કે, આગામી 24 કલાકમાં કુપવાડામાં હિમસ્ખલનની આશંકા છે, દરમિયાન કુપવાડામાં રહેતા લોકોએ સાવધાની રાખવાની જરૂર છે. જમ્મુ કાશ્મીર ડિઝાસ્ટર મેનેજમેન્ટે આશંકા વ્યક્ત કરી છે કે, આગામી 24 કલાકોમાં કુપવાડા જિલ્લામાં લો ડેન્જર લેવલ સાથે હિમસ્ખલન થવાની શક્યતા છે. આ ક્ષેત્રોમાં રહેતા લોકોને સલાહ આપવામાં આવે છે કે તેઓ સાવધાની રાખે અને આગામી આદેશ સુધી હિમસ્ખલનની આશંકા ધરાવતા વિસ્તારોમાં જવાથી બચે.