ભેસ્તાનમાં જવેલર્સની દુકાનમાં રાત્રીનાં સમયે બે લૂંટારૂઓ ઘૂસી માલિકને બંદૂકની અણીએ ધમકાવી દાગીના લૂંટ કરવાનો પ્રયાસ કર્યો હતો. જોકે માલિકે ઝપાઝપી કરતા ખાલી હાથે ભાગવાની નોબત આવી હતી જયારે ભાગવામાં લૂંટારૂઓના હાથમાંથી હથિયાર પડી ગયું હતું. પાંડેસરા પોલીસે લૂંટારૂઓને શોધવા માટે રોડ પર નાકાબંધી કરી હતી. જોકે આ ઘટના ગતરોજ રાત્રે 8 વાગ્યે બની હતી. જેમાં જવેલર્સના માલિક દુકાનમાં બેઠા હતા.

તે વખતે માસ્ક પહેરી બે શખ્સો દુકાનમાં ધુસ્યા હતા અને બંને શખ્સોએ રિવોલ્વર માલિકના લમણે મૂકી ‘તુમ્હારે પાસે જો કુછ હૈ વો યે થેલે મે ભર દો’ કહ્યું હતું. પોલીસે રિવોલ્વર લોડેડ હોવાની અને દેશી તમંચો હોવાની વાત કહી છે. હાલમાં પાંડેસરા પોલીસે સીસીટીવી ફૂટેજ આધારે બંને લૂંટારૂઓને શોધવા માટેની કામગીરી હાથ ધરી હતી. જયારે આ બંને લૂંટારૂઓ બાઇક પર આવ્યા હોવાની આશંકા પોલીસને લાગી રહી છે.