સમગ્ર રાજ્યમાં ચાલી “નારી વંદન ઉત્સવ” સપ્તાહની ઉજવણી નિમિતે તાપી જિલ્લામાં “બેટી બચાવો બેટી પઢાવો” અંતર્ગત “કિશોરી મેળો” જાગૃતિ હાઇસ્કુલ માંડળ સોનગઢ ખાતે યોજાયો હતો. જેમાં હાઇસ્કુલના વિદ્યાર્થી/વિદ્યાર્થીનીઓ બહોળા પ્રમાણમાં ભાગ લીધો હતો. કાર્યક્રમમાં મહિલા અને બાળ અધિકારીની કચેરીના કર્મચારીઓ દ્વારા ગુડ ટચ બેડ ટચ, બાળકોના અધિકારો અને મહિલા લક્ષી યોજનાઓ અને કાયદાકીય જોગવાઇઓ અંગે જાગૃત કરવામાં આવ્યા હતા. આ ઉપરાંત કાર્યક્રમમાં “બેટી બચાવો બેટી પઢાવો” થીમ પર નાટક દ્વારા વિદ્યાર્થીઓને સમજણ કેળવવામાં આવી હતી. વધુમાં બેટી પઢાવો થીમ ઉપર આશ્રમશાળા જેસિંગપુરા, જાગૃતિ હાઇસ્કુલ માંડળ, બ્રધરન હાઇસ્કુલ ડોલારા, આનંદ શાળા વ્યારા અને આશ્રમશાળા ગડત ખાતે પોસ્ટ કોમ્પીટીશન, વોલ પેઇંટીગ કોમ્પીટીશન, નિબંધ સ્પર્ધા, તેમજ વકૃત્વ સ્પર્ધાઓ યોજવામાં આવી હતી.