રાજ્યપાલ આચાર્ય દેવવ્રતજી અને મુખ્યમંત્રીશ્રી ભૂપેન્દ્ર પટેલ ૭૬મા પ્રજાસત્તાક પર્વની રાજ્યકક્ષાની ઉજવણી અને તેને સંલગ્ન વિશેષ કાર્યક્રમોમાં સહભાગી થવા તાપી જિલ્લાના મહેમાન બન્યા હતા. ગણતંત્ર દિન ઉજવણી નિમિત્તે વ્યારા પધારેલા રાજ્યપાલશ્રી અને મુખ્યમંત્રીશ્રીનું મદાવ હેલિપેડ પર આગમન થતાં તેઓનું પુષ્પગુચ્છ સાથે ઉમળકાભેર સ્વાગત કરાયું હતું.

જિલ્લા પંચાયત પ્રમુખ જાલમસિંહ વસાવા, સાંસદ પ્રભુભાઈ વસાવા, વ્યારા નગરપાલિકા પ્રમુખ રીતેષ ઉપાધ્યાય, ધારાસભ્ય સર્વ મોહનભાઈ કોંકણી, મોહનભાઈ ઢોડિયા, ડૉ.જયરામભાઈ ગામીત, જિલ્લા કલેકટર ડૉ.વિપિન ગર્ગ, રેન્જ આઈ.જી પ્રેમવીર સિંહ, જિલ્લા વિકાસ અધિકારી વી.એન.શાહ, પ્રાયોજના વહીવટદાર રામનીવાસ બગુલિયા સહિત વરિષ્ઠ અધિકારીઓએ બંને મહાનુભાવોને હેલિપેડ ખાતે આવકાર્યા હતા.