આ તહેવારોની સિઝનમાં સામાન્ય લોકોને મોટો ફટકો પડી શકે છે. ગેસ સિલિન્ડરના ભાવમાં વધારો થઈ શકે છે. નેચરલ ગેસના ભાવમાં વિક્રમી વધારા બાદ તમામ ગેસ-સિલિન્ડરથી લઈને સીએનજી અને પીએનજીના ભાવમાં વધારો થશે. જેની સીધી અસર સામાન્ય જનતાના ખિસ્સા પર પડશે.

આપને જણાવી દઈએ કે આ સમયે નેચરલ ગેસની કિંમતો ઘણી વધી રહી છે, જેના પછી CNGની કિંમતો લગભગ 8 થી 12 રૂપિયા સુધી વધી શકે છે. તે જ સમયે PNG સાથે એલપીજીની કિંમતો પ્રતિ યુનિટ 6 રૂપિયા વધી શકે છે. નિષ્ણાતોએ આ અનુમાન લગાવ્યું છે.

મુશ્કેલ વિસ્તારોમાંથી કાઢવામાં આવેલા ગેસની કિંમત 9 ડોલરથી વધીને 12 ડોલરની નજીક પહોંચી ગઈ છે. માત્ર આ ગેસનો ઉપયોગ સીએનજી અને પીએનજીમાં પાઇપ દ્વારા થાય છે, જેના કારણે તેની કિંમતો વધી જશે.

કોટક ઇન્સ્ટિટ્યૂશનલ ઇક્વિટીઝના જણાવ્યા અનુસાર છેલ્લા એક વર્ષમાં ગેસના ભાવમાં લગભગ પાંચ ગણો વધારો થયો છે. સપ્ટેમ્બર 2021માં તેની કિંમત લગભગ 1.79 ડોલર હતી, જ્યારે હવે તેની કિંમત 8.57 ડોલર પર પહોંચી ગઈ છે. આ સિવાય ICICI Sec ના અનુસાર કાચા માલના ભાવમાં ઘણો વધારો થયો છે. તેની અસર ગેસના ભાવ પર પણ પડશે.

આપને જણાવી દઈએ કે તાજેતરમાં MGLએ CNG-PNGની કિંમતોમાં વધારો કર્યો છે. સીએનજીના ભાવમાં પ્રતિ કિલો 6 રૂપિયાનો વધારો થયો છે. તે જ સમયે પાઇપ દ્વારા સપ્લાય કરવામાં આવતા એલપીજી એટલે કે પીએનજીની કિંમતમાં પણ પ્રતિ યુનિટ 4 રૂપિયાનો વધારો થયો છે. ઉલ્લેખનીય છે કે તાજેતરમાં જ નેચરલ ગેસના ભાવમાં મોટો ભાવ વધારો થયો છે. જેના કારણે પીએનજી અને સીએનજીનના ભાવમાં વધારો થયો છે.