વલસાડ જિલ્લાનાં પારડી હાઇવે ઉપર આવેલ પાર નદીનાં બ્રિજ ઉપરથી એક આશાસ્પદ યુવકનો મૃતદેહ મળી આવ્યો હતો. જેથી સ્થાનિક લોકોએ તાત્કાલિક બનાવ અંગે પારડી પોલીસને બનાવની જાણ કરી હતી. પારડી પોલીસે તાત્કાલિક યુવકની લાશનો કબ્જો મેળવી ઓળખ કરવાના કામગીરી  હાથ ધરી હતી અને મૃતકનાં પરિવારની શોધખોળ હાથ ધરી હતી. મળતી માહિતી મુજબ, પાર નદીનાં બ્રિજ પર સવારે સ્થાનિક લોકોને અજાણ્યા 35 વર્ષનાં યુવકની લાશ મળી આવી હતી. નદીનાં તટ ઉપરથી અજાણ્યા યુવકની લાશ મળી આવતા તાત્કાલિક પારડી પોલીસને ઘટનાની જાણ કરવામાં આવી હતી.

જોકે પારડી પોલીસે પાર નદીનાં બ્રિજ અને આજુબાજુનાં વિસ્તારમાં યુવક સાથે લાવેલા વાહનની શોધખોળ હાથ ઘરી હતી. પોલીસને પાર નદી બ્રિજ ઉપર અને અજુબાજુમાંથી કોઈપણ વાહન કે અન્ય વસ્તુઓ મળી ન હતી. પારડી પોલીસે લાશ ચેક કરતા કોઈ ઓળખનાં પુરાવાઓ મળી આવ્યાં ન હતા. યુવકની હત્યા કે યુવકે આપઘાત કર્યો તે અંગે પોલીસે તપાસ હાથ ધરી છે. પારડી પોલીસે લાશનો કબ્જો લઈને યુવકના વાળી વારસોની શોધખોળ હાથ ધરી છે. પોલીસે લાશનો કબ્જો મેળવી લાશનું PM કરવી મૃતક યુવકની લાશના ફોટા આજુબાજુનાં ગામના અગ્રણીઓને મોકલાવી યુવકની લાશના વાલી વારસોની શોધખોળ હાથ ધરી છે.