ડોલવણના ધોળકા ગામ પાસે અજાણ્યા વાહન અડફેટે રાહદારી મહિલાનું મોત કમકમાટીભર્યું મોત નિપજ્યું હતું. જોકે અકસ્માત કરી અજાણ્યો વાહન ચાલક પોતાનું વાહન લઇ ફરાર થઇ ગયો હતો.

મળતી માહિતી મુજબ ડોલવણ તાલુકાના ધોળકા ગામના બાજલ ફળિયામાં રહેતી ૬૨ વર્ષીય વૃધ્ધા  બિજલબેન મનુભાઇ કોકણી રવિવારે ગામના બાજલ ફળીયામાં રોડની બાજુ માંથી ચાલતા-ચાલતા જઈ રહ્યા હતા તે દરમિયાન કોઈ અજાણ્યા વાહનના ચાલકે પોતાના ક્બ્જાનું વાહન પુર ઝડપે અને ગફલતભરી રીતે હંકારી લઇ આવી બીજલબેન કોકણી અડફેટમાં લીધી હતી. આ અકસ્માતમાં બીજલબેનને ટક્કર વાગતા તેઓ નીચે પડી જતા વ્હીલ તેમના માથા ઉપર ફરી વળ્યું હતું. જેના કારણે બીજલબેનનું ઘટના સ્થળે જ કમકમાટીભર્યું મોત નિપજ્યું હતું. જોકે અકસ્માત કરી અજાણ્યો વાહન ચાલક પોતાનું વાહન લઇ નાશી છુટ્યો હતો. બનાવ અંગે નાનુભાઇ મંગળીયાભાઇ કોકણીની ફરિયાદના આધારે ડોલવણ પોલીસે અજાણ્યા વાહન ચાલક વિરુદ્ધ ગુનો નોંધી વધુ તપાસ હાથ ધરી છે.