સોનગઢના આછલવા ગામના આધેડે આંખે ઝાંખુ દેખાતા આપઘાત કર્યો હોવાનો બનાવ સોનગઢ પોલીસ મથકે નોંધાયો છે.

પોલીસ સુત્રો પાસેથી મળતી માહિતી મુજબ સોનગઢ તાલુકાના આછલવા ગામના જામણ ફળીયામાં રહેતા ગુરજીભાઈ લાલજીભાઈ ગામીત (ઉ.વ.૬૦) નાઓએ ગતરોજ ઘરની પાછળ આવેલ ડુંગરા પાસે આવેલ ખાખરાના ઝાડની ડાળી સાથે નાયલોનની દોરી વડે ગળે ફાંસો ખાય આપઘાત કર્યો હતો.

બનાવની જાણ સોનગઢ પોલીસને થતા સ્થળ પર પહોચી તપાસ હાથ ધરી હતી. પોલીસની તપાસમાં જાણવા મળ્યું હતું કે, ગુરજીભાઈને આંખે ઝાંખુ દેખાતું હોવાથી કંટાળી જઈ ટેન્શનમાં આવી જઈને પોતે દોરી વડે ગળે ફાંસો ખાય આપઘાત કર્યો હતો. બનાવ અંગે મૃતકની પત્ની સુમલીબેન ગુરજીભાઈ ગામીતની ફરિયાદના આધારે આજરોજ પોલીસે બનાવ દાખલ કરી આગળની વધુ તપાસ હાથ ધરી છે.