નવસારી નેશનલ હાઇવે નંબર 48 પાસે આવેલ મીંડોળા નદીમાં આજે વહેલી સવારે એક કન્ટેનર ખાબકતા અકસ્માત સર્જાયો હતો. જેને લઇને ટ્રાફિક જામની સમસ્યા સર્જાઈ હતી. જોકે આ બનાવમાં ચમત્કારિક રીતે ચાલકનો બચાવ થતા અન્ય રાહદારીએ અને અન્ય લોકોએ તેને બહાર કાઢ્યો હતો. અમદાવાદથી મુંબઈ જઈ રહેલા કન્ટેનરનું ટાયર ફાટતાં ચાલકનું સ્ટેરીંગ પરથી કાબુ ગુમાવતા ડિવાઈડર તોડી સીધું કન્ટેનર મીંડોળા નદીમાં ખાબક્યું હતું. આ બનાવવામાં ચાલકનો સદનસીબે આબાદ બચાવ થયો હતો. મીંડોળા નદી સુરત અને ગ્રામ્ય પોલીસની હદમાં આવતી હોય સરહદને લઈને પણ ઓઢવની સ્થિતી ઉત્પન્ન થઈ છે. અકસ્માતને કારણે ડિવાઇડરને પણ નુકસાન થવા પામ્યું હતું નદીમાં માછલી પકડતા સ્થાનિકોએ અકસ્માતની ઘટના નજરે જોતા તાત્કાલિક બચાવ કામગીરીમાં જોડાયા હતા.