ભરૂચના નેશનલ હાઈવે ઉપર નબીપુર અને અસુરીયા વચ્ચે ગંભીર અકસ્માત સર્જાયો હતો. જયારે કડીથી સુરત તરફ કપચી ભરીને જતા એક આઈસર ટેમ્પોએ બીજા આઈસર ટેમ્પો સાથે ટક્કર મારી હતી. અકસ્માતની તીવ્રતા એટલી હતી કે, બંને ટેમ્પો રોડ પર પલ્ટી ગયા હતા. આ ઘટનાને કારણે નેશનલ હાઈવે પર ટ્રાફીક જામની સ્થિતિ સર્જાઈ હતી. નસીબજોગે આ અકસ્માતમાં કોઈ જાનહાની થઈ ન હતી. ઘટનાની જાણ થતા જ સ્થાનિક પોલીસ અને ભરૂચ ટ્રાફીક પોલીસની ટીમ તાત્કાલીક ઘટના સ્થળે પહોંચી ગઈ હતી. પોલીસે ત્વરિત કાર્યવાહી કરીને ટ્રાફીક નિયમન કર્યુ હતુ અને વાહન વ્યવહાર પુન: સુચારૂ કર્યો હતો.