વાલોડના બાજીપુરા ગામની સીમમાંથી પસાર થતો નેશનલ હાઇવે નંબર-૫૩ પર ગત મોડીરાત્રે એક સ્વીફ્ટ કાર નંબર જીજે/૦૫/જેસી/૧૯૦૫ ના ચાલકે રોકેટગતિએ કાર હંકારી લઇ જવાની લ્હાયમાં નેશનલ હાઇવે પર આવેલ બાજીપુરા ચેકપોસ્ટ પાસે પેટ્રોલ પંપની સામે કાર ડિવાઈડર ઉપર ચઢાવી દીધી હતી, જોકે અકસ્માત સર્જાતા કાર ચાલક ઘટના સ્થળ પરથી નાશી છુટ્યો હતો,

બનાવની જાણ વાલોડ પોલીસને થતા ઘટના સ્થળ પર દોડી આવી ક્રેનની મદદથી કારને વાલોડ પોલીસ મથકે લઇ જઈ તપાસ કરતા કારમાંથી અલગ અલગ બ્રાંડ ભારતીય બનાવટનો ઈંગ્લીશદારૂની કુલ બાટલો નંગ ૧૦૨૯ જેની કિંમત રૂપિયા ૧,૫૪,૫૦૦/-નો પ્રોહી મુદ્દામાલ મળી આવ્યો હતો, બનાવ અંગે વાલોડ પોલીસે ઈંગ્લીશ દારૂ અને કાર મળી કુલ રૂપિયા ૩,૦૪,૫૦૦/-નો મુદ્દામાલ જપ્ત કર્યો હતો.