એમેઝોન તરફથી ફરી એકવાર મોટી સંખ્યામાં છટણીનાં સમાચાર આવી રહ્યા છે. એમેઝોન તેના વિવિધ વિભાગોમાંથી લગભગ 20,000 લોકોને છૂટા કર્યા છે. ગ્રેડ 1 થી ગ્રેડ 7 સુધીનાં તમામ સ્તરનાં કર્મચારીઓને આ છટણીથી અસર થશે. નવેમ્બર મહિનાની શરૂઆતમાં એમેઝોન 10,000 કર્મચારીઓની છટણી કરી હતી અને ફરી એકવાર તેમને ખર્ચ ઘટાડવા મોટો નિર્ણય કર્યો છે. તાજેતરમાં, એમેઝોને મેનેજરો પાસેથી કર્મચારીઓના કામ અંગે અહેવાલ તૈયાર કરવા કહ્યું હતું. એમેઝોનનાં સમગ્ર વિશ્વમાં 1.5 મિલિયન કર્મચારીઓ કામ કરે છે. જો 20,000 લોકોની છટણી કરવામાં આવે તો તે કુલ કર્મચારીઓના 1.3 ટકા લોકોને નોકરી છોડવી પડશે.

જોકે કર્મચારીઓની છટણી કરવામાં આવશે તેમને 24 કલાકની નોટિસ અને વિચ્છેદનો પગાર આપવામાં આવશે. એમેઝોનનાં ઈતિહાસમાં આ ચોથી સૌથી મોટી છટણી હશે. એક અહેવાલે જણાવ્યું હતું કે, છટણી માટે કોઈ ચોક્કસ વિભાગ અથવા સ્થાન પસંદ કરવામાં આવ્યું નથી. તેના બદલે, આ સૉર્ટિંગ સમગ્ર વર્ટિકલ્સમાં થશે. કોરોના મહામારી દરમિયાન કંપનીએ વધુ પડતી હાયરિંગ કરી હતી. કંપનીની આવક સતત ઘટી રહી હતી, જેના કારણે છટણીની જરૂર પડી છે. ગત તા.17 નવેમ્બરનાં રોજ, એમેઝોનનાં CEO એન્ડી જેસીએ કર્મચારીઓને એક સંદેશમાં કહ્યું કે, કંપની કર્મચારીઓની છટણી કરવા જઈ રહી છે. જોકે તેમણે એ નથી જણાવ્યું કે આ છટણીથી કેટલા લોકોને અસર થશે.