સોનગઢ તાલુકાના ગાળકૂવા ગામે રાત્રીના સમયે એક ગોડાઉનમાં આગ લાગતા એમાં મુકેલ સેંટરિંગનો સામાન અને લાકડાનાં ટેકા સહિતની તમામ ચીજવસ્તુ બળી ને રાખ થઈ ગઈ હતી. સોનગઢ પાલિકા ફાયર ફાઈટરોએ દોડી જઇ આગ પર કાબૂ મેળવ્યો હતો.

સોનગઢના ગાળકૂવા ગામે રહેતા ગુરજીભાઈ મણિલાલભાઈ ગામીત ખેતી કરી જીવન ગુજરાન ચલાવે છે સાથોસાથ નાના મોટા બાંધકામનો સામાન પણ રાખતા આવ્યા છે. તેઓ પોતાના ઘરની નજીક એક છાપરા જેવા મકાનમાં લાકડાનાં ટેકા, પ્લેટ અને વાંસ જેવો સામાન મુક્યો હતો. આ ગોડાઉનમાં રાત્રીના સમયે અચાનક જ આગ દેખાઈ હતી થોડી જ વારમાં આગે વિકરાળ સ્વરૂપ પકડી લીધું હતું. આ ઘટના અંગે સોનગઢ પાલિકા ફાયર વિભાગને જાણ કરવામાં આવતા ફાયર ફાઈટરો સાધનો સાથે તુરત જ ગાળકૂવા ગામે પહોંચી આગ પર પાણીનો મારો ચલાવ્યો હતો. અંદાજીત જ બે કલાકની જહેમત બાદ આગ કાબૂમાં આવી હતી. આ બનાવમાં ગોડાઉનમાં પડેલ સેંટરિંગનો તમામ સમાન ઉપરાંત ખેડૂતે ઘરે ખાવા માટે પકવેલ જુવારનો જથ્થો પણ આગમાં સ્વાહા થઈ ગઈ હતો.