મોટેરા ક્રિકેટ સ્ટેડિયમ પાસે આવેલા મનાલી એપાર્ટમેન્ટમાં રહેતા જ્યોતી ગંભીરે ચાંદખેડા પોલીસ સ્ટેશન ખાતે ફરિયાદ નોંધાવી છે કે, ગત તા.22મી એપ્રિલના રોજ બપોરના સમયે તે સાબરમતી રામનગર ખાતે ખરીદી કરવા માટે ગયા હતા. ત્યાંથી તે રાતના સાડા નવ વાગે પરત આવ્યા ત્યારે જોયુ તો ઘરનો મુખ્ય દરવાજો તુટેલો હતો અને બેડરૂમની તિજોરીમાંથી રોકડ રૂપિયા 5.30 લાખ અને 30 હજારની કિંમતના સોનાના દાગીના મળીને કુલ રૂપિયા 5.60 લાખની ચોરી થઈ હતી.

જોકે આ બનાવ બાદ તે ડરી ગયા હતા અને તેઓ ગુડગાવ તેમના ભાઇના ઘરે ગયા હતા અને સમગ્ર ઘટના બાબતે વાત કરી હતી. જેથી તેમના ભાઇ પોલીસ ફરિયાદ કરવાનું કહેતા જ્યોતી ગભીરે ગુરૂવારે ચાંદખેડા પોલીસ સ્ટેશનમાં ફરિયાદ નોંધાવી હતી જેથી પોલીસે સીસીટીવીને આધારે તપાસ શરૂ કરી હતી.