સરકાર બન્યા બાદ પ્રભારી તરીકેની જવાબદારી મંત્રીઓને સોંપવામાં આવી છે. ગત વખતે મંત્રીઓને પ્રભારી તરીકે ચંટણી પહેલા દવાબદારી સોંપાઈ હતી. જો કે, આ વખતે તેમાંથી કેટલાકને ટિકિટ નથી મળી તો કેટલાકને રિપીટ મંત્રી તરીકે નથી કરાયા ત્યારે નવી સરકાર બન્યા બાદ પ્રથમ વખત મંત્રીઓને પ્રભારી તરીકેની જવાબદારી સોંપવામાં આવી છે.

 ગુજરાતના ગૃહમંત્રી હર્ષ સંઘવીને વડોદરા અને ગાંધીનગરની જવાબદારી સોંપવામાં આવી હતી અને અન્ય મંત્રીઓને અન્ય જિલ્લાના પ્રભારી પણ બનાવવામાં આવ્યા છે. આ ઉપરાંત ગત વખતે જે પ્રભારીઓ જે તે જિલ્લામાં પ્રભારી હતા તેમને યથાવત રાખવામાં આવ્યા છે.રાજ્યમાં વ્યવસ્થા અને સુશાનના હેતુસર આ જવાબદારી સોંપવામાં આવતી હોય છે તેમાં પણ ખાસ કરીને આગામી સમયમાં 100 દિવસનો જે રોડ મેપ આપવામાં આવ્યો છે. તેના પર મંત્રીઓને કામગિરી સોંપવામાં આવી શકે છે. સીએમ ભૂપેન્દ્ર પટેલે આ જવાબદારી સોંપી છે જેમાં પ્રભારીની મહત્વની ભૂમિકા રહેશે.

• - ગુજરાતના ગૃહમંત્રી હર્ષ સંઘવીને વડોદરા અને ગાંધીનગરની જવાબદારી સોંપવામાં આવી છે.
• - નાણા, ઉર્જા અને પેટ્રોકેમિકલ્સ મંત્રી કનુ દેસાઈને સુરત અને નવસારી જિલ્લાનો હવાલો સોંપવામાં આવ્યો છે.
• - આરોગ્ય અને પરિવાર કલ્યાણ મંત્રી ઋષિકેશ પટેલને અમદાવાદ, ખેડા અને આણંદ જિલ્લાનો ચાર્જ સોંપવામાં આવ્યો છે
• - કૃષિ મંત્રી રાઘવજી પટેલને રાજકોટ અને જૂનાગઢનો હવાલો સોંપવામાં આવ્યો છે.
• - ઉદ્યોગ MSME મંત્રી બળવંતસિંહ રાજપૂતને સાબરકાંઠા અને બનાસકાંઠાનો હવાલો સોંપવામાં આવ્યો છે.
• - કુંવરજી બાવળીયાને પોરબંદર, દેવભૂમિ દ્વારકા જિલ્લાની જવાબદારી સોંપાઈ છે.
• - મૂળુભાઈ બેરાને જામનગર અને સુરેન્દ્રનગર જિલ્લાના પ્રભારી તરીકે જવાબદારી સોંપાઈ છે.
• - દાહોદ અને પંચમહાલ જિલ્લા માટે કુબેર ડીંડોરને જવાબદારી સોંપાઈ છે.
• - ભાવનગર અને બોટાદ જિલ્લાના પ્રભારી ભાનુબેન બાબરીયા
• - જગદીશ વિશ્વકર્માને મહેસાણા અને પાટણ જિલ્લાનો હવાલો સોંપવામાં આવ્યો છે.
• - મંત્રી પુરુષોત્તમ સોલંકીને અમરેલી અને ગીર સોમનાથ જિલ્લાની જવાબદારી સોંપવામાં આવી હતી.
• - બચુભાઈ ખાબડને મહીસાગર અને અરવલ્લી જીલ્લો
• - મુકેશ પટેલને વલસાડ અને તાપી જિલ્લો,
• - મોરબી અને કચ્છ જિલ્લામાંથી પ્રફુલ્લ પાનસેરિયાને જવાબદારી સોંપાઈ
• - ભીખુસિંહ પરમારને છોટા ઉદેપુર અને નર્મદા જિલ્લો સોંપાયો

• - કુંવરજી હળપતિને ભરૂચ અને ડાંગ જિલ્લાના પ્રભારી બનાવવામાં આવ્યા છે.