વલસાડનાં ધરમપુર ચોકડીથી નોકરી પરથી પરત ફરી રહેલ યુવકને અકસ્માત નડ્યો હતો. તેમજ બાઈક પર પરત ફરી રહેલ યુવકને અન્ય બાઈકની ટક્કર લાગતા યુવક નીચે પટકાયો હતો. ત્યારે અહીં રોંગ સાઈડમાં આવતા ટ્રેક્ટરનું ટાયર યુવકનાં માથા પર ફરી વળતાં યુવકનું ઘટના સ્થળે જ મોત નિપજ્યું હતું. મળતી માહિતી મુજબ, હિરલકુમાર પ્રજાપતિ નામનો યુવક રાતની નોકરી પતાવીને બાઇર પર પોતાના ઘરે જઇ રહ્યો હતો. ત્યારે અન્ય બાઈકની ટક્કર લાગતા યુવક નીચે પટકાયો હતો. આ દરમિયાન અહીંથી રોંગ સાઇડમાં આવતા ટ્રેક્ટરનું ટાયર હિરલ પર ફરી વળ્યું હતું. ટાયર ફરી વળતાં હિરલનું ઘટના સ્થળે જ મોત નિપજ્યું હતું. ઘટનાની જાણ થતાં વલસાડ સીટી પોલીસે સ્થળ પર પહોંચી આગળની કાર્યવાહી હાથ ધરી છે.