લોકસભા ચૂંટણી દરમિયાન કોંગ્રેસમાંથી રાજીનામું આપનાર રાષ્ટ્રીય મીડિયા સંયોજક રાધિકા ખેડા અને અભિનેતા શેખર સુમન બંને મંગળવારે ભારતીય જનતા પાર્ટી માં જોડાયા હતા. તેમણે નવી દિલ્હીમાં પાર્ટી કાર્યાલયમાં વરિષ્ઠ નેતાઓની હાજરીમાં સભ્યપદ લીધું. અભિનેતા શેખર સુમનેભાજપમાં જોડાયા બાદ કહી હતું કે, 'ગઈકાલ સુધી મને ખબર ન હતી કે હું આજે અહીં બેઠો હોઈશ કારણ કે જીવનમાં ઘણી બધી વસ્તુઓ જાણી-અજાણ્યપણે થાય છે.

કેટલીકવાર તમને ખબર હોતી નથી કે તમારું મુસ્તાકબીલ શું છે અને પ્રવાહ ઉપરથી આવે છે અને તમે તે હુકમનું પાલન કરો છો. હું અહીં ખૂબ જ સકારાત્મકમાનસિકતા સાથે આવ્યો છું. સૌ પ્રથમ હું ભગવાનનો આભાર માનું છું કે તેણે મને અહીં આવવાનો આદેશ આપ્યો. શેખરે વધુમાં કહ્યું, 'હું પીએમ મોદી, જેપીનડ્ડા અને પાર્ટીના અન્ય વરિષ્ઠ નેતાઓનો આભાર માનીશ. 'હોઇહિસોઇ જો રામ રચી રાખ', રામે જે વિચાર્યું છે તે તમારે કરવું પડશે. જ્યારે તમે સારા મન, સારી વિચારસરણી સાથે આવો તો સારું. તેથી મારા મનમાં કોઈ નકારાત્મક વિચાર નથી. માત્ર દેશની ચિંતા કરો.