નિઝરનાં રૂમકીતલાવ શાળામાં લેપટોપ ચોરીની ઘટનામાં પોલીસે બે આરોપીઓને ઝડપી પાડયા બાદ વધુ તપાસ હાથ ધરતા ચોરીમાં ૪ સગીરો પણ સંડોવાયેલા હોવાનું બહાર આવ્યું છે. નિઝર તાલુકાની પી.એમ.શ્રી આદર્શ પ્રાથમિક શાળા રૂમકીતલાવમાં કોમ્પ્યુટર રૂમમાંથી લેપટોપ ચોરાયાની ફરીયાદ નિઝર પોલીસે થતા જેની તપાસ કરતી પોલીસે ખાનગી વોચ ગોઠવી ચોરીમાં સંડોવાયેલ અશ્વિનભાઇ બટેસિંગભાઇ વસાવા (ઉ.વ.૨૫., રહે.તાપીખડકલા, ડુંગર ફળીયું, નિઝર) અને મનેશભાઇ આનંદભાઇ વળવી (ઉ.વ.૨૦., રહે.તાપીખડકલા)ની અટક કરી ચોરીમાં ગયેલ એસેર કંપનીના લેપટોપ નંગ ૨ રૂપિયા ૩૫૦૦૦ તથા ૨ લેપટોપ વેચવા પેટે રોકડા ૧૦,૦૦૦/- અને ૨ નંગ મોબાઇલ મળી કુલ રૂપિયા ૫૦,૫૦૦/-નો મુદ્દામાલ કબ્જે લઈ આગળની કાર્યવાહી હાથ ધરી હતી.