મનિષા એસ. સુર્યવંશી/તાપી : તાપી જિલ્લાનાં સોનગઢ પોલીસ સ્ટેશનમાં પ્રોહીબીશનનાં ગુન્હામાં છેલ્લા બે વર્ષથી નાસતા ફરતા વોન્ટેડ આરોપીને વ્યારાના ઉનાઈ નાકા પાસેથી ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો તારીખ ૧૬/૧૦/૨૦૨૪નાં રોજ વ્યારા પોલીસ સ્ટેશન વિસ્તારમાં પેટ્રોલીગમાં હતા. તે દરમિયાન અ.હે.કો. બિપીનભાઈ રમેશભાઈ તથા એલ.સી.બી.નાં પો.કો. પ્રકાશભાઈ રામાભાઈ નાઓને ખાનગી રાહે મળેલ બાતમીનાં આધારે, વ્યારાના ઉનાઈ નાકા પાસેથી સોનગઢ પોલીસ સ્ટેશનમાં પ્રોહીબીશનનાં ગુન્હામાં છેલ્લા બે વર્ષથી નાસતા ફરતા વોન્ટેડ આરોપી જાહાગીર યાકુભાઈ મન્સૂરી (ઉ.વ.૪૨., રહે.છત્રપતિ શિવાજીનગર, લીંબાયત, ઉધના, સુરત., હાલ રહે.મચ્છી બજાર, ક્રિકેટ ગ્રાઉન્ડની પાસે નવાપુર, જિ.નંદુરબાર, મહારાષ્ટ્ર)ને ઝડપી પાડી આગળની વધુ કાર્યવાહી હાથ ધરી હતી.